اک مسافر تھا کچھ دیر ٹھہرا یہاں

اک مسافر تھا کچھ دیر ٹھہرا یہاں اپنی منزل کو آخر روانہ ہوا بات کل کی ہے محسوس ہوتا ہے یوں جیسے بچھڑے ہوئے اک زمانہ ہوا آہ! کل تک جو تھا رونق زندگی آج شہر خموشاں کی زینت بنا زندگی سے خفا ہوکے وہ چل دیا جیتے جی جو کسی سے خفا نہ ہوا اک مسافر تھا کچھ دیر ٹھہرا یہاں اپنی منزل کو آخر روانہ ہوا یار سب رو دیے بحر و بر رو دیے چڑھ کے کندھوں پہ جب وہ روانہ ہوا وہ جلوسوں کی صورت میں گزرا جہاں ان ہی رستوں سے اس کا جنازہ چلا اک مسافر تھا کچھ دیر ٹھہرا یہاں اپنی منزل کو آخر روانہ ہوا آگے آگے مسافر کی بارات تھی پیچھے پیچھے زمانہ تھا روتا چلا ایک شورشؔ ہی گھر سے اکیلا چلا شہر کا شہر جیسے روانہ ہوا اک مسافر تھا کچھ دیر ٹھہرا یہاں اپنی منزل کو آخر روانہ ہوا

• Share on Twitter
• Share on Google+
• Share on Facebook